Archive for 十月, 2011


我記得係1991年既7月14日正日,即係我地所講既鬼節正日,當地我同阿妹開左係廳過部冷氣機,諗住過晚做廳長既啦!當我熄左燈冇幾耐就聽到係我後面傳來移枱椅既聲音,跟住我就向後望但冇咩發現亦都睇唔到什麼,之後我就什麼都唔理就訓啦.

但不久又係聽到移枱椅既聲音,開頭我以為係樓上或者係樓下傳過黎既聲音,然後我就個心就暗罵有冇搞錯呀,甘夜仲係到嘈住我訓!當我講完呢句之後唔知佢地聽到我罵佢地呀!之後就不停甘移枱椅而且又不斷甘講野,但我完全聽唔到佢地講咩既?我亦試過好留心甘聽.但始終都係冇辦法聽到既.

跟住我開始意識到係佢地,而且我亦都知道自己講錯野!跟住我就用同佢地講對不起!細佬仔唔識野既!你地原諒我啦!但好似冇咩用甘既!甘我為有硬住頭皮就訓啦!但過晚一d都訓唔好呀.

而我有個習慣係屋企講電話很喜歡行出門口一路食煙一路講電話既,有一晚我如常甘好似平時甘啦,當我講到中途我見到隔離屋有個黑影由門口飄出黎,一路飄到欄杆之後就消失.然後我就想起早排隔離個阿伯離開左人世.可能係佢回魂當時我立即用個心同佢講左句安心甘去上路啦!你唔好再留戀啦!再見!

Ray Cheung
香港陰陽眼協會 副會長

唔知大家有無試過夢境成真?如果個夢係好夢當然唔介意佢成真,萬一係惡夢…

果晚由於我太累所以好早就上床睡!睡得正甜既時候,我既惡夢亦都剛開始!

我夢見晚上既天空係橙橙黑黑咁,我見到我所住屋邨既樣貌!我當時由地下升到上半空。一直上,上到三十幾樓便停了下來。我望到一位呆呆的男人坐在窗前.

我問他:"發生什麼事?點解要坐在這裡!"他好像見不到亦聽不到我的說話一樣.不消一會他躍身而下直向地面,但在他跳下去的途中.

我還在問他為何要這樣做..之後他直達到地面.

當佢落到地面,他四肢其中一肢係飛脫了係平台上,個人就瞓左係屋邨辦事處前,唔止一地都係血就連辦事處幅牆壁都係血.我行去屍體到望左2眼,之後我便醒了!
醒了後我還問自己點解會發這個夢,過了一會好快便忘記這個夢.

過了3天晚上,當時已經過了12點,買完宵夜回到大廈裡我同管理員姨姨傾談閒事,傾傾下突然聽到一聲巨響"砰", 我同姨姨都你眼望我眼.過了一會姨姨個對講機便響起"有人跳樓呀!"
之後我問姨姨:"係咪XX樓有人跳樓?"
姨姨答:"係!問你怎會知道?"

我當然沒有開口答她,我為何會知!為了証明是否真實,我決定第二晚再問.到了第二晚我問姨姨昨晚所發生的事.

我問她:"跳樓果個是否男人?是否從三十幾樓跳下來?他是否死在辦事處前?辦事處牆上是否有一大片血跡?他四肢其中一肢掉在平台上?

她對我問的問題一一都答"是".但她沒有問我為何會這麼清楚.之後我都無再問再講.返到屋企想了一會,點解要話比我知會有這些事發生?想我去阻止,能嗎??我怕會比人話我係傻婆多..
之前都試過從夢境預知到第二日發生既事,但預知陌生人死就真係第一次!

tracy ma
香港陰陽眼協會 副會長